Dimostrazzjoni bil-Bambin fil-Belt Valletta
20 December, 2024
Id-dimostrazzjoni bil-Bambin saret fil-Belt Valletta nhar il-Ġimgħa 20 ta’ Diċembru, 2024. Numru sabiħ ta’ nies inġabru quddiem il-kappella ddedikata lill-Madonna tal-Vitorja u mxew bil-ferħ lejn il-Kon-Katidral ta’ San Ġwann ikantaw innijiet tradizzjonali tal-Milied bl-istatwa ta’ Ġesù Bambin. Il-parteċipanti daħlu fil-Kon-Katridal għal ċelebrazzjoni madwar Ġesù Bambin, b’innijiet u poeżiji tal-Milied. L-Isqof Emeritus, Mons. George Frendo, O.P., għamel riflessjoni marbuta mat-twelid tal-Messija u qasam ix-xewqat tiegħu għal Milied qaddis lil kulħadd. Id-dimostrazzjoni kompliet tul Triq ir-Repubblika sakemm waslet lura quddiem il-kappella tal-Vitorja.
