Ġurnata Irtir għall-Grupp SDC Friends (UK)
07 July, 2024
Nhar il-Ħadd 23 ta’ Ġunju 2024, ġiet organizzata ġurnata ta’ riflessjoni għall-grupp SDC Friends. Din saret f’Minster Abbey, ftit ’l barra mill-belt ta’ Ramsgate, ħdejn il-kosta ta’ Kent. Minbarra ċ-ċelebrazzjoni tal-quddiesa, il-parteċipanti kellhom sessjoni ta’ riflessjoni mill-Bibbja, ħin ta’ talb u riflessjonijiet mill-kitba tal-Fundatur, fosthom il-Coram Domino. Lura lejn Londra, il-grupp għamel waqfa f’Whitstable, raħal żgħir tas-sajjieda fuq il-kosta ta’ North Kent.
