Żjara ta’ Familjarizzazzjoni
fl-Arċidjoċesi ta’ Lipa
01 July, 2024
Wara numru ta’ żjarat fil-Filippini, u d-deċiżjoni tas-Soċjetà biex tibda l-Appostolat tagħha fil-pajjiż, grupp ta’ membri qiegħed iżur l-Arċidjoċesi ta’ Lipa fil-provinċja ta’ Batangas. L-għan taż-żjara huwa biex is-Soċjetà tiffamiljarizza ruħha mal-inħawi, mal-kultura u man-nies. Din hija t-tieni żjara tas-Soċjetà fl-Arċidjoċesi, wara li l-Arċisqof Gilbert Garcera kien stedinha fl-2023. Għaldaqstant, din l-esperjenza għandha ssaħħaħ il-konnessjonijiet diġà eżistenti u toħloq oħrajn ġodda.
