Studju Weekend għall-Kandidati SDC (Malta)
16 September, 2024
Mill-15 sas-17 ta’ Settembru 2024, il-grupp tal-Kandidati attenda għal study weekend fiċ-Ċentru tal-Konferenzi Dar il-Ħanin Samaritan. Matul dan il-weekend, huma ħadu sehem f’attivitajiet fi gruppi, preżentazzjonijiet, role plays, u diskussjonijiet biex jidħlu aktar fil-fond tal-personalità, ix-xogħol, il-viżjoni, u l-kitbiet tal-Fundatur, San Ġorġ Preca, u tal-ewwel Superjur Ġenerali, Eugenio Borg. Barra minn hekk, huma żaru diversi siti relatati mal-Fundatur fil-Belt Valletta u l-Furjana. Dan il-weekend ipprovda opportunità oħra lill-Kandidati biex isaħħu bejniethom is-sens ta’ komunità u japprofondixxu l-għarfien tagħhom tal-ispiritwalità Museumina.
